2. Skilgreining áskorunar/vandamáls og hugarflug um hugmyndir að lausn
Kennslustundir | 3-5 |
Námsgreinar | Náttúru- og samfélagsgreinar, listir, tungumál, saga og stærðfræði |
Viðfangsefni | Upplýsingaöflun og þróun verkefnahugmynda |
Lýsing námsþáttar
Markmið þessa námsþáttar er að þátttakendur öðlist þekkingu og skilning á eigin nærsamfélagi, efli samskiptahæfni, beiti ólíkum aðferðum við að safna og greina upplýsingar um samfélag sitt og afla upplýsinga hjá hagsmunaaðilum í samfélaginu með það að markmiði að þróa hugmynd að samfélagsverkefni eða breytingu.
Lýsingar á hæfniviðmiðum námsþáttar
þátttakendur skulu hafa öðlast þekkingu á:
- því hvernig nærsamfélagið þeirra virkar – stjórnfyrirkomulag, þjónusta og áskoranir og vandamál sem þarf og hægt væri að leysa;
- ferlinu á bak við góða ákvarðanatöku og hvernig hugmyndir verða til og hægt er að þróa þær áfram;
- aðferðum við að safna og rýna upplýsingar og gögn með gagnrýnum hætti;
- öflum sem knýja áfram og/eða takmarka breytingar í nærsamfélagi (hagsmunaaðilar).
þátttakendur munu öðlast færni í:
- að nýta ólíka upplýsingatækni og rafræn verkfæri;
- að safna upplýsingum og gögnum og greina með gagnrýnum hætti;
- að undirbúa og taka viðtöl við hagsmunaaðila í eigin nærsamfélagi;
- mynda og þróa sína eigin skoðun (nota innsæi, rannsaka, fá endurgjöf, og vera opin fyrir breytingum);
- að bera kennsl á hvaða kraftar knýja áfram og takmarka breytingar (Force Field Analysis)
- samskiptum, s.s. hvernig á að setja fram spurningar þannig að þær séu skýrar og skiljist vel, hvernig á að hlusta, hvernig á að skrifa svör niður eða skjalfesta á annan hátt.
hæfni þátttakenda til að beita þekkingu sinni og færni til að:
- þróa hugmynd að lausn á áskorun eða vandamáli í nærsamfélagi.
- taka á móti upplýsingum, greina og beita endurgjöf til að þróa hugmynd að lausn áfram.
- kynna hugmyndir sínar á ólíku formi (ritgerðir, myndbönd, hljóðvarp, powerpoint, frásögn).